హైదరాబాద్‌లో నిమ్మగడ్డ పీఎస్‌ను విచారిస్తున్న సీఐడీ!

రాష్ట్ర, జాతీయ స్థాయిలో కలకలం రేపిన రాష్ట్ర మాజీ ఎన్నికల కమిషనర్‌ (ఎస్‌ఈసీ) నిమ్మగడ్డ రమేశ్‌ కుమార్‌ లేఖ మూలాలపై సీఐడీ దర్యాప్తు ప్రారంభించిన విషయం విదితమే. ఈ లేఖను టీడీపీ రాష్ట్ర కార్యాలయం నుంచే పంపించారని, సంతకాన్ని కూడా ఫోర్జరీ చేశారని ఆరోపిస్తూ... లేఖ మూలాలు కనుగొనాలని వైసీపీ ఎంపీ విజయసాయి రెడ్డి డీజీపీకి ఫిర్యాదు చేయడంతో సీఐడీ రంగంలోకి దిగింది. రెండోసారి విచారణ.. ఇప్పటికే నిమ్మగడ్డ అడిషనల్ పీఎస్ సాంబమూర్తిని ఏపీ సీఐడీ విచారించింది. అయితే ప్రస్తుతం హైదరాబాద్‌లో కూడా సాంబమూర్తిని విచారిస్తున్నారు.! ఆయన స్టేట్‌మెంట్‌ను నమోదు చేసుకునే అవకాశాలు మెండుగా కనిపిస్తున్నాయి. అయితే ఇప్పటి వరకూ పీఎస్ ఏం చెప్పారు..? ఏం చెప్పబోతున్నారు..? అనేదానిపై అందరిలో సర్వత్రా ఆసక్తి నెలకొంది.