పుచ్చ గింజలతో.. అద్భుత ఆరోగ్య ప్రయోజనాలు

సూర్యుడి తాపం మొదలైంది. వేడి నుంచి ఉపశమనం కూడా కొబ్బరి బొండాలు, చెరకు రసాలను ఆశ్రయించే వారి సంఖ్య కూడా పెరుగుతోంది. వేసవి తాపం నుంచి కాపాడుకోవడానికి, శరీరాన్ని చల్లబర్చుకోవడానికి పుచ్చకాయలు కూడా ఎంతగానో ఉపయోగపడతాయి. నీరు ఎక్కువగా ఉండే పుచ్చకాయలో పొటాషియం, ఎలక్ట్రోలైట్లు అధికంగా లభిస్తాయి. వీటిని ఎంత ఎక్కువగా ఆహారంగా తీసుకున్నా కానీ క్యాలరీల బాధ ఉండదు. బరువు తగ్గాలనుకునేవారు పుచ్చకాయలను ఎక్కువగా తినడం ఉపకరిస్తుంది. ఇదే కాకుండా.. పుచ్చకాయలో ఉండే లైకోపీస్ అనే పదార్థం పురుషుల్లో వీర్యకణాల ఉత్పత్తిని పెంచుతుంది. పుచ్చ గింజల్లోనూ అనేక పోషకాలు ఉన్నాయి. వీటిలో విటమిన్-బి అధికంగా ఉంటుంది. వీటిని తినడం వల్ల గుండె జబ్బుల ముప్పు నుంచి బయటపడొచ్చు. ఈ గింజలను ఆహారంగా తీసుకోవడం వల్ల మూత్ర సంబంధ ఇన్ఫెక్షన్లు తగ్గుముఖం పడతాయి. ఈ గింజలను నీటిలో వేసి మరిగించి ‘టీ’లా తాగడం వల్ల కిడ్నీలో ఏర్పడిన రాళ్లు కరిగిపోతాయి. జ్ఞాపకశక్తి పెరగడానికి, ఏకాగ్రతను పెంపొందించడానికి, కండరాల కదలికల క్రమబద్ధీకరణలో పుచ్చ గింజలు తోడ్పడతాయి.