గత ప్రభుత్వంలో నిర్మించిన ఇళ్లను లబ్ధిదారులకు కేటాయించండి శాసనసభ్యులు గద్దె రామమోహన్

గత తెలుగుదేశం ప్రభుత్వంలో రాష్ట్రంలో 15 వేల కోట్లతో 15 లక్షల గృహాలు నిర్మించడం జరిగిందని, వాటిలో తొమ్మిది లక్షలు లబ్ధిదారులకు కేటాయించారని మిగిలిన ఆరు లక్షల ఇళ్ళుపనులు కొంతవరకు పూర్తి కాలేదని తరువాత ప్రభుత్వం మారటంతో అప్పటినుంచి ఇప్పటివరకు లబ్ధిదారులకు ఇళ్ళుఇవ్వలేదని, పేదలు అనేకమంది వడ్డీలకు తెచ్చి రూ. 25 వేల నుంచి లక్ష రూపాయల వరకు ప్రభుత్వానికి చెల్లించడం జరిగిందని మిగతా పనులు పూర్తిచేసి లబ్ధిదారులకు వెంటనే ఇళ్ళు కేటాయించాలని గద్దె రామమోహన్ ప్రభుత్వ వాని డిమాండ్ చేశారు. శనివారం ఉదయం 10వ డివిజన్ పోస్టల్ కాలనీ 1,2,3 రోడ్లలో గద్దె రామమోహన్ కార్పొరేటర్ అభ్యర్థి దేవినేని అపర్ణ మరి యు స్థానికులతో కలిసి సమస్యల పరిష్కారంలో భాగంగా పర్యటించారు. ఈ సందర్భంగా గద్దె రామమోహన్ మాట్లాడుతూ నిర్మాణం పూర్తయిన గృహాలను లబ్ధిదారులకు కేటాయించడానికి ఎందుకు ప్రభుత్వం తాత్పర్యం చేస్తుందని విజయవాడ నగరంలో ఎనిమిది వేల ఇళ్ళు పేదలకు ఇచ్చేందుకు నిర్మాణాలు జరిగాయని, అధికారంలోకి వచ్చి 15 నెలలైనా వాటిని కేటాయించకపోవడం కేవలం ఆ ఇళ్ళు పేదలు ఇస్తే చంద్రబాబునాయుడుకు ఎక్కడ పేరు వస్తుందోనని ఒకే ఒక్క ఈర్ష్యతో నేనని గద్దె రామమోహన్ తెలిపారు. తాను అధికారంలోకి వస్తే ఇళ్ళు కేటాయించిన లబ్ధిదారులకు డబ్బులు కూడా వెనక్కు ఇస్తామని జగన్మోహన్ రెడ్డి హామీ ఇచ్చారని, వారికి డబ్బులు తిరిగి ఇచ్చి ఇల్లు కేటాయించాలని గద్దె రామమోహన్ ప్రభుత్వని కోరారు. పోస్టల్ కాలనీ రెండవ రోడ్డు చర్చి ఏరియా లో అండర్ గ్రౌండ్ డ్రైనేజీ అస్తవ్యస్తంగా ఉండడంతో గద్దె రామమోహన్ ఎస్టిమేట్ వేయవలసినదిగా అధికారులను కోరారు. అలాగే పోస్టల్ కాలనీ 1,2 రోడ్ల కు కనెక్టింగ్ రోడ్డుకు టెండర్ అయి ఉన్నదని త్వరలోనే ప్రారంభిస్తారని స్థానికులకు తెలిపారు. పంటకాలువ రోడ్డులోని పోస్టల్ కాలనీ రెండు మూడు రోడ్ల మధ్య సైడ్ ట్రైన్ అధ్వానంగా ఉందని ఎల్ & టి వారితో మాట్లాడి డ్రైన్ ఏర్పాటు చేస్తానని స్థానికులకు హామీ ఇచ్చారు. విజయనగర్ కాలనీలో సైడ్ డ్రైన్ నడవటం లేదని దోమలు ఎక్కువగా ఉంటున్నాయని స్థానికులు తెలియజేయగా వాటి లెవెల్స్ సరిచేసి సక్రమంగా పోయేటట్లు చూడాలని అధికారులను ఆదేశించారు. ఈ కార్యక్రమంలో కోనేరు రాజేష్, తుమ్మల వెంకటరత్నం, పలగాని జగన్మోహనరావు, యార్లగడ్డ సుందర్ రావు, చలసాని వాసు తదితరులు పాల్గొన్నారు.