"దుర్గగుడిలో నారాయణ తీర్ధతరంగ గాన శిక్షణ ప్రారంభం"

కృష్ణం కలయసఖీ సుందరం బాలకృష్ణమ్ కలయసఖీసుందరమ్, జయజయ దుర్గే జితవైరి దుర్గే వంటి ప్రాముఖ్య కీర్తనలు రచించి,ప్రపంచ వ్యాప్తంగా ఎన్నెన్నో కూచిపూడి నృత్యవేదికలపై నారాయణ తీర్ధ కీర్తనలు ఆలపించబడుతున్నాయని అటువంటి విఖ్యాతి గాంచిన వాగ్గేయకారుని తరంగాలను ప్రజలకు ఇంకా చేరువ చేయాలని శ్రీకనకదుర్గ ధర్మప్రచారపరిషత్ ద్వారా శిక్షణా శిభిరం ప్రారంభించినట్లు దుర్గగుడి ఈవో ఎ. సూర్యకుమారి అన్నారు. శనివారం సాయంత్రం శృంగేరి వడ్లమన్నాటి సత్రంలో శిభిరం ప్రారంభ సందర్భంగా మాట్లాడారు. ఇంతటి ప్రాముఖ్య వాగ్గేయకారులు ఎన్నో శతాబ్ధాల క్రితమే ఇంద్రకీలాద్రిపై దుర్గమ్మను దర్శించుకొని అమ్మవారిపై కీర్తనలు రచించారని, భద్రాద్రికి రామదాసు, తిరుమలకు అన్నమయ్య ఏవిధంగా సాహిత్యసేవ చేసారో... దుర్గమ్మ మీద ఎన్నో అపురూప కీర్తనలు రచించిన నారాయణ తీర్ధ వారి రచనలు వెలికితీసే చర్యల్లో ఉన్నామని, కాశీ హిందూ విశ్వవిధ్యాలయంలో నారాయణ తీర్ధ రచనలుపై వేలాది మంది పరిశోధనలు చేసారని, రచనలు దేవస్థానం నకు తెప్పిస్తున్నామని తెలిపారు. వివిధ ప్రాంతాల నుండి శిక్షణ నిమిత్తం 47మంది హాజరయ్యారు. ధర్మప్రచార పరిషత్ సంచాలకులు రాజగోపాలచక్రవర్తి, శిక్షకులు సంపత్ కుమార్, శర్మ తదితరులు పాల్గొనగా.... భజన కీర్తన సాంప్రదాయంలో సకల దేవతాకీర్తనలు ఆలపించగా.... దుర్గే దుర్గతి నాశని...జయజయ దుర్గే జితవైరి వర్గే కీర్తన అద్భుతంగా నిలచింది. ఈ నెల 30వరకు శిక్షణ కొనసాగుతుందని, శిక్షణ పొందిన వారికి దేవస్థాన కళారాధనలో అవకాశం కల్పిస్తామని కార్యనిర్వహణాధికారి తెలిపారు.