manamnewspaper

Share this on your social network:

Published:
25-06-2020

ఎరువుల దుకాణాల్లో తనిఖీ !!

డీలర్లు లైసెన్సు లేకుండా ఎరువులు విక్రయిస్తే చట్టపరమైన చర్యలు తప్పవని మండల వ్యవసాయాధికారిణి నురున్నీసా హెచ్చరించారు. గురువారం ఆమె బందరు టౌన్ , గ్రామ పరిధిలో పలు ఎరువులు, విత్తనాలు, పురుగు మందుల దుకాణాలను ఆకస్మికంగా తనిఖీ చేశారు. ఈ సందర్భంగా షాపుల్లో ఫారం-ఒ, లైసెన్స్, బిల్లు పుస్తకాలు, పలు రికార్డులను ఆమె క్షుణ్ణంగా పరిశీలించారు. ఈ సందర్భంగా మండల వ్యవసాయ అధికారిణీ నురున్నీసా మాట్లాడుతూ, బందరు మండలంలో వ్యవసాయ సాగు అధికంగా ఉండడంతో రైతులు వినియోగించే ఎరువులు, పురుగుమందులు డీలర్ల వద్ద లభిస్తున్నాయా లేదా అనే అంశాలు ఈ తనిఖీలో పరిశీలిస్తున్నామన్నారు. అనుమతులు లేకుండా ఎవరైనా ఎరువులు విక్రయిస్తే చర్యలు తప్పవని ఆమె ఈ సందర్భంగా హెచ్చరించారు. ఫారం-ఓ, ప్రిన్సిపల్ సర్టిఫికెట్ లేని ఎరువులు, పురుగు మందులను అమ్మితే తగిన చర్యలు తీసుకోవడం జరుగుతుందని దుకాణదారులను హెచ్చరించారు. స్టాక్ బోర్డుపై ప్రతిరోజు సరుకు అంతిమ నిల్వలు, ధరలను విధిగా చూపించాలని తెలిపారు. ఎంఆర్పి ధరలకే విత్తనాలు, ఎరువులు, పురుగుమందులను విక్రయించాలని, రైతులకు బిల్లులు తప్పనిసరిగా ఇవ్వాలని సూచించారు. ఈ ఆకస్మిక తనిఖీ లలో ఇనుగుదురు పోలీస్ స్టేషన్ సి.ఐ శ్రీనివాస రావు, ఆర్ పేట సి.ఐ వెంకటేశ్వరరావు, ఆర్ పేట్ ఎస్.ఐ నాగరాజు, రూరల్ ఎస్.ఐ శ్రీరామచంద్రమూర్తి లు సహకరించినట్లు ఎం ఏ ఓ తెలిపారు.

ఎరువుల దుకాణాల్లో తనిఖీ !!

Related Images

Related News